MNF@SmartBit

Екранот Потреби на продажбата го користат референтите во продажбата, каде што ја гледаат листата на сите производи, коишто ги нарачале купувачите преку различни канали и коишто мора да ги испорачаме во определен термин. Податоците се распределени по недели однапред и за секој производ ги следиме податоците за нарачаната количина, back log-от (нарачано и неиспорачано на купувачот од претходниот период), интерни налози, веќе испорачани количини (креирани испратници кон купувачот), произведени количини (ажурен податок од производството – преземања според работни налози).

Со помош на тој екран оперативните изведувачи во продажбата добиваат увид во случувањето во производството во споредба со фактичката продажба, по недели го следат планот на производството и тековното производство за тековната недела. Во долниот дел од екранот според производите е достапна информација за потребите и залихата на производи и другите стратешки материјали. Врз основа на тие информации, тие може успешно да комуницираат со купувачите во врска со термините за испорака.

Алатката Планирање на производството ја користи раководителот на производството како директен увид во потребите од производи од продажната служба. Планирањето се врши според видовите производство, така што раководителот на производството може да се сосредоточи само на своето производство. Земајќи ги предвид фактичките залихи, системот ги покажува и потребите од полупроизводи. Од тој екран може директно да отвораме работни налози и на тој начин по недели да ја планираме крајната количина на производи.

Системот овозможува различни видови на помош при планирањето: систем на минимални залихи, намалување на потребите за залихата, земање предвид на логиката на минимални-оптимални-максимални количини и планирање на подолг период.

Врз основа на планот за производство добиваме директен увид во зафатеноста на капацитетите, при што можеме да го уредуваме работното време за целиот календар или за одделни ресурси. При подготовката на календарот ги земаме предвид уште и исклучоците (на пр. планирани одржувања на машини и други застои на машините) или пак зависност на капацитетите од други фактори (број на изведувачи).

Системот како резултат ни го прикажува нето капацитетот по ресурс (машина), зафатеност на капацитетот и процентот на искористеност, како и листа на Работните налози, поврзани до определен ресурс. Со тоа раководителот на производството добива директен увид во зафатеноста на капацитетите.

Секој работен налог има планиран почетен и краен датум (груб план на производство). Во модулот Терминирање, врз основа на неделен план на производството, точно ги терминираме операциите на одделен работен налог и часот. Терминирањето го вршиме едноставно со помош на глувче и позиционирање на одделна операција на определен ресурс (машина во производството). Со тоа кај операциите ги менуваме, односно ги определуваме, почетните и крајните термини, редоследот на операциите, и на тој начин точно определуваме кога и што треба да се изработи во производството. Притоа, раководителот на производството ја следи залихата на материјали и полупроизводите врз производството, кршењето на машини, времето за подготовка и завршување ...).

Преку споменатото распоредување системот дава информација за потребите на изведувачите, што е основа за подготовка на смени по работници.

Во модулот Производство ги имаме следните области:

• Смени; во постапката на терминирање системот добива информација за потребите од определен број изведувачи на ден и за ресурсот. Врз основа на тоа во модулот Смени ги определуваме изведувачите според ресурсите за производство.
• MES; областа ги спојува информациите за шкартот, застоите (определуваме оправдани и неоправдани застои) и информациите, внесени преку MES@SmartBit (информации за внесениот дел и преземањата)
• OEE и аналитика; анализа на ефикасноста на производството

Врз основа на фактички извршената работа во производството во системот се прибираат податоци за:

• количината произведени артикли
• количината на шкартот и причините за шкарт
• застоите, причините и времето на застоите
• работникот или групата работници, коишто ја извршиле операцијата
• потрошеното време за извршување на операцијата
• Преку повратни информации за производството системот овозможува различни увиди во случувањето во производството: според работници, според смени, според работни налози, ресурси ...