MES@SmartBit

За одделни работни задачи дефинираме одделни претпоставки, коишто го определуваат внесувањето на работата и параметрите при внесувањето на работата, внесување на застои и шкарт, преземање на производи (вклучувајќи ја логиката на сериски броеви).

Системот на внесување на податоци се темели врз користење на програма без тастатура или глувче и се одвива на едноставен начин, приспособен кон корисникот. Преку полето за внесување може да опфатиме податоци врз основа на бар кодот на работниот налог (или комбинација), RDFI картичка или преку прирачна touch screen тастатура. Податоците, поврзани со изборот (работа, отсуство, шкарт, застоја), ги определуваме преку копчиња, така што работникот внесува само нумерички податоци (количини, време).

Преку тековно внесување на работата на MES@Smart се врши внесување на извршената работа на начин старт/стоп. Притоа дефинираме различни видови на работа (Break, Resource SetUp, Resurce start/stop), како и различни видови на застои, при што работникот избира меѓу претходно зададени параметри. Преку тековното внесување може да извршиме и преземање на производи и внесување на шкарт.

Евидентирањето се одвива така што работникот со својата ПИН ознака се пријавува на терминалот, а потоа го скенира бар кодот на работниот налог или избира работен налог од листата (функција Терминирање – MNF) и ја означува операцијата, којашто ќе ја извршува. Со допир на копчето Почни, на екранот му се прикажува листа на видовите на работа и застои и тој ја избира акцијата и така почнува да се бележи времето на таа акција. Додека тече времето, работникот може да го бележи преземањето на производите и шкартот според видовите шкарт.

Откако ќе ги опфати сите извршени акции, ја завршува работата така што системот ги собира сите преземени производи и во дополнително поле ја запишува само уште разликата на непреземените производи. Откако ќе го потврди внесувањето, во Pantehon се запишуваат податоци за: извршената работа (време и количина на добри и лоши парчиња), шкарт и застои.

Во околини, каде што системот не овозможува тековно внесување на работата, односно тоа не е рационално (организациски или технички барања), е обезбеден начин на опфаќање на податоците според системот на завршена операција во рамките на смената, односно внесување по завршувањето на смената.

Евидентирањето се одвива по завршување на операцијата, така што работникот со својата ПИН ознака се пријавува на терминалот, а потоа го скенира бар кодот на работниот налог или избира работен налог од листата. Ја означува операцијата и ги внесува податоците, коишто ги бара системот од него. Можностите се следните и се работа на конфигурацијата на системот:

Внесување според системот време на операцијата/количина на извршена работа на операцијата; начинот се соодветен кога работното време на работникот може да се определи по операција (помал број на операции на работникот по смена).

Работникот го внесува времето на извршување на операцијата (Tn или Tn+Tpz), бројот на добрите парчиња, шкартот и застоите. Од тие податоци се пресметува ефикасноста на работата на работникот.

Внесување според системот на количина на извршениот дел од операцијата; начинот е соодветен кога времето на работа тешко може да се распредели на повеќе деловни налози или повеќе различни операции во рамките на смената. Работникот го внесува бројот на добри парчиња, шкартот и застоите. На крајот на смената системот според бројот на произведени парчиња и нормативите за сите внесувања во смената проверува колку нормативно време му било потребно на работникот. Тоа го споредува со расположливото време во однос на календарот и пресметката на ефикасноста на работникот во смената.

Во околини, каде што на работното место истовремено работат повеќе работници, на ниво на смената се подготвува евиденција на работниците, коишто ќе работат на иста машина. Во тој случај бележењето се врши преку внесување на раководителот на групата и времето се бележи за сите работници во рамките на една група. При пресметувањето на ефикасноста, системот ги зема предвид сите работници во групата.

И преземањето на производи е конципирано на начин работникот колку што е можно помалку да се занимава со внесувања на податоци. Работникот со својата ПИН ознака се пријавува на терминалот, го скенира бар кодот на работниот налог или избира работни задачи од системот и ја внесува количината на изработените парчиња. Системот при запишувањето на податоците проверува дали идентот е поврзан со сериски број или други параметри, коишто се определени во ERP Pantheon. Според бараната логика системот автоматски генерира сериски број (односно бара внесување) и ја испишува соодветната EAN налепница за производите.

Шкартот може да се опфаќа според системот за евидентирање, поврзано со внесување на работата или како документ во рамките на прометот на стоките (преземање на залиха), што го определуваме со параметри. Видовите на шкарт се однапред дефинирани со копчиња, поврзани со одделен вид производство. Работникот го врши евидентирањето на шкартот само со допирање на копчето за соодветен вид шкарт.

Внесувањето на шкартот е овозможен преку количината на производи, односно со внесување во друга единица мера со конверзија во количина. Пример: внесување на тежината на шкартот на производот.

Застоите се евидентираат на Работниот налог и/или операција и ресурс. Видовите на застои се однапред дефинирани според одделен вид производство. Тоа му овозможува на работникот при внесувањето на застојот да избира само меѓу опциите на можни застои за определен вид производство.

Следниот чекор при опфаќањето на застојот е анализата, каде што определуваме дали застојот е оправдан или пак не.

MES@SmartBit овозможува преглед на внесените податоци (преземања, извршена работа); модулот е составен дел од апликацијата, што значи дека токму така функционира на терминалот во производството. Зависно од правата на корисникот, преку терминалот може да се изврши и сторно на документот. Овозможено е и од тој екран повторно да се испише EAN налепница за производот.